នាព្រឹកថ្ងៃព្រហស្បតិ៍១៤រោច ខែស្រាពណ៌ ឆ្នំាកុរ ឯកស័ក ព.ស២៥៦៣ ត្រូវនឹងថ្ងៃ ២៩ខែសីហាឆ្នាំ២០១៩នេះ លោកជំទាវ មុំ ពុទ្ធីតា អភិបាលរងខេត្ត និងជាអនុប្រធានអចិន្រៃ្តយ៍នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សខេត្តឧត្ដរមានជ័យ បានអញ្ជើញជាអធិបតីក្នុងកិច្ចប្រជុំផ្សព្វផ្សាយស្ដីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ កិច្ចការពារ ជនរងគ្រោះ និងយន្តការចំណាកស្រុកដោយសុវត្ថិភាព ក្នុងនោះក៏មានការអញ្ជើញចូលរួមពី លោក លោកស្រី ប្រធាន អនុប្រធានមន្ទីរអង្គភាពពាក់ព័ន្ធមួយចំនួន រួមទាំងប្រជាពលរដ្ឋសរុបចំនួន១៥០នាក់ផងដែរ។ ដោយកិច្ចប្រជុំនេះប្រព្រឹត្តធ្វើឡើងនៅក្នុងវត្ដគីរីវ័ន្ត(ឈើក្រំ) សង្កាត់កូនក្រៀល ក្រុងសំរោង ខេត្តឧត្ដរមានជ័យ ។
