នៅព្រឹកថ្ងៃសៅរ៍ ១២រោច ខែមិគសិរ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី១២ ខែធ្នូ ឆ្នាំ២០២០ ឯកឧត្ដម ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ ដឹកនាំកងកម្លាំងទាំងបីប្រភេទ មន្ទីរ-អង្គភាពជុំវិញខេត្ត ស.ស.យ.កខេត្ត លោកអភិបាលក្រុង លោកនាយករងរដ្ឋបាលសាលាខេត្ត រួមទាំងទាំងមន្រ្តីរាជការជាច្រើនទៀត បានចុះធ្វើយុទ្ធនាការផ្សព្វផ្សាយ និងចែកម៉ាស បាញ់អាកុល វាស់កំដៅ ដោយនាំយកម៉ាសចែកជូនដល់អាជីករនៅក្នុងផ្សារសំរោងំរោង ចំនួន ១,០០០ម៉ាស ព្រមទាំងប្រជាពលរដ្ឋនៅតាមដងផ្លូវក្នុងក្រុងក្រុងសំរោង ដើម្បីបំផុសចលនានៃការពាក់ម៉ាស ក្នុងការទប់ស្កាត់ការរីករាលដាលជំងឺកូវីដ-១៩ ជាពិសេសចូលរួមបញ្ចប់ព្រឹត្តិការណ៍សហគមន៍២៨ វិច្ឆិកា ដោយបានណែនាំដល់អាជីវករ និងប្រជាពលរដ្ឋទាំងអស់ចូលរួមពាក់ម៉ាសគ្រប់ៗគ្នា និងលាងដៃដោយសាប៊ូ អាកុល ជែល ព្រមទាំងចៀសវាងការជួបជុំ ដែលស្របតាមការជូនដំណឹងតាមបទបញ្ជារបស់រាជរដ្ឋាភិបាល ក៏ដូចសេចក្ដីជូនដំណឹងជាបន្តបន្ទាប់របស់រដ្ឋបាលខេត្តឧត្ដរមានជ័យ ។
ឯកឧត្ដម ប៉ែន កុសល្យ បានថ្លែងថា ចំពោះអាជីវករ ទាំងឡាយណាដែលមិនព្រមគោរពតាមបទបញ្ជារបស់រាជរដ្ឋាភិបាល ក៏ដូចសេចក្ដីណែនាំទាំងនោះទេ អាជ្ញាធរខេត្តមានសមត្ថកិច្ចនឹងចុះបិទទីតាំងអាជីវកម្មនោះជាបណ្ដោះអាសន្ន ក្នុងន័យបញ្ចប់ព្រឹត្តិការណ៍សហគមន៍២៨វិច្ឆិកា។
