នៅព្រឹកថ្ងៃទី២៧ ខែមេសា ឆ្នាំ២០២០ នៅសាលាខេត្តឧត្តរមានជ័យ បានរៀបចំកិច្ចប្រជុំស្តីពីករណីទំនាស់របស់ ប្រជាពលរដ្ឋចំនួន៨៧គ្រួសារ និងលោក អ៊ុក គឹមលី ក្រោមអធិបតីភាព ឯកឧត្តម ឌី រ៉ាដូ អភិបាលរងខេត្ត តំណាង ដ៏ខ្ពង់ខ្ពស់ ឯកឧត្តម ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ នៅសាលប្រជុំលេខ១២ សាលាខេត្ត ឧត្តរមានជ័យ។
ក្នុងនោះក៏មានការអញ្ជើញចូលរួមមាន លោក នាយខណ្ឌរដ្ឋបាលព្រៃឈើខេត្តឧត្តរមាន ជ័យ មន្រ្តីទីចាត់ការអន្តរ វិស័យសាលាខេត្ត មេឃុំត្រពាំងប្រីយ៍ មន្រ្តីភូមិបាលស្រុក អន្លង់វែង និងអនុភូមិទឹកជប់ ។
បន្ទាប់ពីការពិភាក្សាផ្តោះប្តូរយោបល់រួចមក កិច្ចប្រជុំសម្រេចបាននូវលទ្ធផល ដូចខាងក្រោម៖
- អាជ្ញាធរឃុំត្រូវចុះស្រង់ស្ថិតិប្រជាពលរដ្ឋដែលមានទំនាស់ជាក់ស្តែង
- ខណ្ឌរដ្ឋបាលព្រៃឈើ ពិនិត្យ និងស្រាវជ្រាវអំពីសាវតាដីស្ថិតនៅ ក្នុងគម្របព្រៃឈើ២០០២ ដែរឬទេ
-ករណីស្ថិតនៅដីគម្របព្រៃឈើ ត្រូវស្នើសុំការអនុញ្ញាតពីរាជរដ្ឋាភិបាលជាមុនសិន មុននឹងធ្វើដោះស្រាយ
- ឃុំត្រូវទប់ស្កាត់ការទន្រ្ទានចូលកាន់កាប់ដីនេះ ដោយត្រូវរាយការណ៍មកអាជ្ញាធរមាន សមត្ថកិច្ច ដើម្បីចាត់វិធានការតាមផ្លូវច្បាប់
- ជំនាញពាក់ព័ន្ធត្រូវផ្ទៀងផ្ទាត់ទីតាំងដីជាក់ស្តែង។
