(ឧត្ដរមានជ័យ)៖ នាថ្ងៃសុក្រ ១៣រោច ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី ០៦ ខែសីហា ឆ្នាំ២០២១ ឯកឧត្តម ប៉ែន កុសល្យ អភិបាល នៃគណ:អភិបាលខេត្តឧត្ដរមានជ័យ និងជាប្រធានគណៈកម្មការប្រយុទ្ធប្រឆាំងជំងឺកូវីដ១៩ ខេត្តឧត្ដរមានជ័យ បានអញ្ជើញទទួលអំណោយមនុស្សធម៌ ពីឯកឧត្ដម កែវ ឋានៈ និងលោកជំទាវ ប៊ុត សុខណា ដែលតំណាងឲ្យក្រុមហ៊ុន ឋានៈ មង្គល អ៊ិនវេសម៉ិន & ដានី ដេង អ៊ីមផត អ៊ិចផត & MM អេហ្គ្រីនខលឈ័រ ដែលបានឧបត្ថម្ភទឹកសុទ្ធសឹង្ហចំនួន ១០០យួរ, មីម៉ាម៉ា ចំនួន ៥០កេស, ត្រីខចំនួន ០៥យួរ, អង្ករចំនួន ៤០ ការ៉ុង, ទឹកស៊ីអ៊ីវចំនួន ៥០ យួរ, ទឹកត្រីចំនួន ៥០យួរ និងថវិកា ៤.០០០.០០០៛ (បួនលានរៀលគត់ សម្រាប់ប្រើប្រាស់ ក្នុងវិធានការបង្ការ ការពារ និងទប់ស្កាត់ ជំងឺកូវីដ១៩ ក្នុងខេត្តឧត្ដរមានជ័យ។
ឯកឧត្តម ប៉ែន កុសល្យ បានថ្លែងអំណរគុណយ៉ាងជ្រាលជ្រៅចំពោះ សប្បុរសជន ដែលចូលរួមសហការ និងឧបត្ថម្ភគាំទ្រ ដល់រាជរដ្ឋាភិបាល ជាក់ស្តែង នាថ្ងៃនេះបានជួយដល់អាជ្ញាធរខេត្តឧត្ដរមានជ័យ ក្នុងវិធានការបង្ការ ការពារ និងទប់ស្កាត់ ជំងឺកូវីដ១៩ ដែលកំពុងរាតត្បាតទូទាំងប្រទេស ក៏ដូចជាសកលលោក ឲ្យទទួលបានជោគជ័យ។
ឯកឧត្តមសង្ឃឹម និងជឿជាក់ថា សប្បុរសជន ក្រុមហ៊ុន សហគ្រាស និងរោងចក្រនានាក្នុងខេត្ត នឹងបន្តជួយឧបត្ថម្ភគាំទ្រ ដល់រដ្ឋបាលខេត្តឧត្ដរមានជ័យ ក្នុងការចូលរួមទប់ស្កាត់ ប្រយុទ្ធប្រឆាំងជំងឺឆ្លងនេះបន្ថែមទៀត៕
